Manage Your Time: 5 Tips That Can Transform Your Life

 

Manage Your Time: 5 Tips That Can Transform Your Life  

Maamul Waqtigaaga: 5 Talo Oo Noloshaada U Bedeli Kara

 

Waqtigu waa hantida ugu qaalisan ee qofku leeyahay. Maaha mid dib loo soo celin karo, mana ahan wax la keydsan karo si loo isticmaalo wakhti kale. Hadii aad barato sida waqtigaaga si wanaagsan oo qorsheysan aad u maareyn lahayd, waxaad gaari kartaa horumar weyn oo noloshaada bedeli kara.

 

Qoraalkan waxa aan ku soo bandhigaynaa 5  talo oo muhiim ah oo hadii aad si joogto ah u dhaqangeliso, ay kuu horseedi karaan nolol leh kala dambayn, barwaaqo, iyo deganaan maskaxeed.

 

1.Qorshee Maalintaada Habeenkii Hore

Tani waa mid ka mid ah Tabaha ugu fudud ee ugu waxtarka badan. Intaadan seexan habeenkii, qaado 10 daqiiqo si aad u qorto liiska hawlaha aad rabto inaad qabato maalinta xigta. Marka aad subaxdii kacdo, qabato maalinta xigta. Marka aad subaxdii kacdo, waxaad ogtahay waxaad qabaneyso,  taasoo kaa badbaadineysaa jahwareer iyo waqti lumis.

 

    Qorsheynta maalinlaha ah

 

2.Samee Mudnaan Si Aad U Gaarto hadafkaaga

Waqtiga oo dhan wax la qabanayo micnaheedu ma ahan inaad wax badan qabatay. Waxaa muhiim ah inaad kala saarto waxyaabaha muhiimka ah iyo kuwa aan mudnayn. Qor 3-da wax ee ugu muhiimsan ee aad maalintaas rabto inaad dhamayso – kuwaasoo noloshaada horumarinaya.

 

  Mudnaan siirta hawlaha, himilo nololeed

 

3.Ka Fogoow Waxyaabaha waqtiga Lumiyo

Waqtiga ayaa si fudud u lumi kara hadii aan la dareemin. Baraha bulshada, sheekooywinka aan micnaha lahayn, iyo daawashada muuqaalo aan faa’iido lahayn waxay kaa lumin karaan saacado adigoon ogeyn. ISweydii: “Waxan hada sameynayo ma iga caawinayaa inaan gaaro waxa aan rabay?

 

   Luminta waqtiga, maamulka nafta

 

4.ISticmaal Saacad ama Jadwal Si aad Isugu Xakameyso

Qorshee shaqo kasta adoo siinaya waqti go’an, Tusaale ahaan 30 daqiiqo ama 1 saac. Markaad waqtiga xidido, maskaxdaadu waxay diirada saartaa in ay shaqadaas ku dhameyso xiligii loo qorsheeyay. Waxa kale oo aad isticmaali kartaa app-yada sida pomodoro Technique si aad waqtiyada shaqada iyo nasaashada u kala qorsheyso.

   Xakamaynta waqtiga nidaamka shaqada

 

5.Habeenkii Iswaydii: Maxaan Qabtay Maanta?

Marka uu maalin dhamaado, qaado dhowr daqiiqo si aad isweydiiso:

  . Maxaan manta sameeyay?

  . Maxaa iiga hirgalay qorshaha?

   . Maxaan ka baran karaa manta si aan berri uga fiicnaado?

 

Cilmi-baaris ayaa muujisay in dadka si joogto ah u Sameeya falanqaynta maalintooda ay ka go’an tahay horumar joogto ah.

 

    Isfalanqayn, horumarinta nafta

 

Gunaanad: Waqtigaaga Waa Noloshaada

 

Hadii aad baratid sida waqtigaaga si xikmad leh u maamuli lahayd, waxaad arki doontaa in noloshaadu isbedesho. Waxaad dareemi doontaa yool cad, maskax furan, cadaadis yar, iyo guul aad ka gaartay waxyaabihii aad higsanaysay.

Xasuusnoow, nolosha wanaagsan waxay ku bilaabataa daqiiqad si xikmad leh loo maareeyo.

 

   Ugu muhiimsa:

 

Maareynta waqtiga, qorsheynta nolosha, maamulka nolosha, horumarinta nafta, talooyin wax bedela, waqtigaaga si wanaagsan u isticmaal, yool nololeed, isfalanqayn, waxbarasho nolosha ah.