“Every Day Is a New Opportunity”

 

Maalin Walba Waa Fursad Cusub- Qalbi Cusub Ku Bilow Maanta

 

Fursad cusub,nolol wanaagsan, dhiirigelin maalinle ah, horumar nolosha, isbedel nolol qurux badan, kalsooni, maskax guleed, dadaal, maalin cusub

 

Maalin kasto oo cadceedu soo baxdo waa fursad cusub oo noloshaada wax laga bedeli karo. Waa bog cusub oo noloshaada ka mid ah oo aad adigu qorayso. Waxa dhacay shalay—farxad ama murugo—Waa dhamaaday.waxa muhiim ah waa waxaad manta samyn karo.

 

Inaad u kacdo subax walba adigoo raj leh waxay muujinaysaa inaad weli hayso fursad aad ilahay u mahadceliso naftaada u wanaajiso, fursad aad u cafido, aad wax ku barato, aad hamigaaga u dhaqaajiso. Maalin walba waa rajo cusub.

 

1.Maalinta Cusub waa Bilow Cusub

Qof walba wuxuu noloshiisa ku leeyahay bogag mugdi ah. Waxaa dhici karta in aad samaysay qalad, in aad lumisay fursad ama la kulantay dhibaato. Laakin maalin cusub micnaheedu waa bog cusub—mid aad adigu buuxin karto. Sidaad shalay wax u weyday ama ugu guul-dareysatay, manta waa fursadaada inaad isku daydo mar kale.

 

“Marnaba ma adkaanayso inaad bilowdo mar kale, sababtoo ah maalin walba waa bilaabasho cusub.”

 

2.Fursadaha Ma Sugaan Qof Daalan-U Kac Oo Raadso

Fursadaha ma yimaadaan adigoo sugaya, fursadu waxay timaadaa marka aad diyaar u tahay inaad wax ka qabto. Maanta, hadii aad go’aansato inaad wax baranayso, ganacsi bilaabayso, caafimaadkaaga daryeelayso, ama xiirirkaaga hagaajinayso- Waxa aad bilaabayso waxay yeelan karaan saameyn weyn noloshaada.

 

Ma rabtaa nolol ka wanaagsan tan aad hada ku nooshahay? Ku bilow manta.

 

3.Maalintaada Waxa Lagu Maamulaa Maskaxdaada

Maalin wanaagsan micnaheedu ma aha in wax walbasi toos ah kuugu dhaceen, ee micnaheedu waa in aad dooratay inaad si wanaagsan uga falceliso wax kasta oo kugu yimaada.mar walbana xamdiga ilahay aad badiso

 

Hadii aad subaxda ku toosto niyad wanaagsan, adigoo leh maskax guuleed leh, waxaad u badan tahay inaad maalin wanaagsan yeelan doonto.Marka ha sugin in wax walba kuu hagaagaan si aad u faraxdo- adigu bilow inaad maalin walba farxad ku noolaato. Oo ilahay ad kheeyr ka fiisho mar walba iyo maalin walba

 

4.Maanta Waa Wakhti Aad Isbedel Ku Bilaabi Karto

Wax kasta oo aad sugaysay “waqtiga saxda ah”- maantaan ayaa laga yaabaa inuu yahay waqtigaas. Ku bilow niyad ah:

. Maanta waxaan bilaabayaa jimicsi

. Maanta waxaan bilaabayaa akhriska bug wanaagsan

.  Maanta waxaan iska cafinayaa qofkii I dhaawacay

. Maanta waxaan diyaarinayaa qorshahayga guusha

 

Isbedel weyn wuxuu ka bilaabmaa go’aan yar oo maalinle ah.

 

5.Ma Jirto Cid Kale Fursadaada Kuu Maaraynaysa

Qofna ma noqon karo sababta aad u faraxsantahay hadii aad adigu go’aansan weydo. Noloshaada adiga ayaa masuul ka ah. Maalin walba waa fursad aad ku noqon karto qofka aad riyoonaysay. Waa fursad aad uga tagi karto caqabadaha, fikirka xun, dadka niyad-jabka leh—si aad ugu socoto yoolkaaga.

 

“Hadii aad sugayso cid kale inay noloshaada hagaajiso, waxaad sugaysaa wax aan imaanayn.”

 

 

 

Gunaanad

Maanta Waxaad Haysataa Fursad—Ha dayicin

Ha ku noolaan fikirka shalay, ha ku seexan baqdiinta beri—Ku nolow manta. Waa fursad qaali ah, Hadii aad manta niyada saxda ah la kacdo, waxaad dhisi kartaa nolol qurux badan berito. Waa bilow xusub. Waa bog cusub. Adigaa qori u haysata.

Su’aal: Maxaad manta naftaada u qaban doontaa si aad uga dhigtid berri mid ifaya?