How To Build Self Confidence every Day

 

Sida Maalin walba loo kordhiyo Kalsooonida Nafa

Kalsoonida naftu waa furaha guusha qof kasta. Qof aan isku kalsoonayn waxa uu dareema cabsi, is-ciil, iyo in uu ka liito dadka kale-taasoo si toos ah u dhaawacda horumarkiisa nolosha, Qormadan waxay kuu sharaxaysaa siyaabaha aad kalsoonida nafta u kobcin karto maalin kasta, si aad naftaada ugu rumaysato, una gaarto riyadaada.

 

1.Ku bilow maskax togan

Subax kasta markaad toosto, ha u ogolaanin fikir xun inuu galo maskaxdaada. Naftaada u sheeg erayo dhiirigelin ah sida:

“Waan awoodaa”

“Naftaydu waa qiimo”

“waan horumariya malin kasta”

 

Maskaxda togan waa saldhiga kalsoonida nafta. Hadii aad naftaada si fiican ula hadasho, waxay kuu abuuraysaa tamar iyo niyad wanaagsan oo aad ku bilowdo maalinta.

 

2.Yaree is-barbardhiga dadka kale

Mid ka mid ah waxyaabaha ugu badan ee burburiya is-barbardhiga. Dadka qaar waxay noloshooda ka muujiyaan muuqaal qurux badan, balse waxa ka dahsoon ma ogid

 

Isku day inaad isbarbardhigto adiga manta iyo adiga shalay – halkii aad dadka kale la isu barbar dhigi lahyd. Kobcinta naftaada ha noqoto tiir lagu dhiso kalsooni joogto ah.

 

3.Qabo yoolal yaryar oo la gaari karo

Qofka kalsoonida leh waa qof mar walba wax qabsada, xitaa hadii ay yar yihiin. Maalin kasta isku day inaad sameeyso:

 

 

.Hal wax oo cusub baro

.Guriga nadiifi

.Buug akhri

.Ama la hadal qof togan

Talaabooyinkan yaryar waxay dhisaan kalsoonida naftaada. Waxay kuu sheegayaan in aad wax qaban karto. Taaso ku kordhinaysa qiimo nafsiyan ah.

 

4.Naftaada u naxariiso

Qof walba wuu khaldamaa, laakiin muhiim ma aha khaladka, ee waa sida aad uga jawaabto. Hadii aad khald samayso, ha ku canaanan naftaada. Halkii aad odhan lahyd “waan fashilmay” dheh “waxaan helay cashar cusub”

 

Kalsoonida dhabta ah waxay timaada markaad naftaada u naxariisto, ogolaato inaad khaldanto, isla markaana aad hore u sii socoto.

 

5. LA jog dadka wanaagsan ee ku dhiirigeliy

Dadka aad la joogto waxay si weyn u saameeyaan naftaada iyo kalasoonideeda. Hadii aad la joogto dad had iyo jeer ka niyad jebinaya, waxaad dareemi kartaa hoos-u dhac nafsiyan

LA jog dad ku rumaysan, ku dhiirigeliya, wax kuu sheegay markaad saxantahay. Isla markaana ku jecel markaad daciif tahay. Saaxiibtinimada wanaagsan waa tiir muhiim u ah horumarkaaga.

 

6. Daryeel muuqaaga iyo naftaada

 

Markaad naftaada daryeesho-si wanaagsan u labisato naftada ilaashato, iyo inaad cuno caafimaadleh cunto- waxaad dareemaysaa farxad iyo kalsooni dheeraad ah.

Naftaada u muuji inaad qiimo leedahay, si kalsoonidaada u korto.

 

 

 

7.Ku xirnoiw ilaahay si aad u hesho deganaan

Dadka kalsoonida leh badana waxay leeyihin xasilooni naftsiyan ah. Waxaa muhiim ah inaad salaada joogtayso, duco samyso, kuna xirnaato rabiga ku abuuray. Waxaa jira kalsooni Alle bixiyo oo aan laga helin meel kale

 

Gunaanad

Kalsoonida waa la dhistaa, ee looma dhasho

 Hasugin inaad dareento kalsooni si aad u bilowdo. Bilow dadaalka, kadib kalsoonida ayaa imaan doonta. Maalin kasta ku dadaal  inaad:

.Naftaada ku rumaysato

.Fikir togan samyso

.Naftaada u naxariiso

.Dad wanaagsan la joogto

 

Erayo Dhiirigelin ah:

“Kalsoonida nafta maaha in aan cabsi la’aan nahay, waa in aan talaabo qaado xitaa anagoo cabsanayna

 

Kalsoonida nafta, horumar nafsiyan, sida loo helo is-aaminaad , maskax togan, kobcinta kalsoonida dhiirigelin,