Time Is Gold: How Can You Make the Most of Each Day?

 

 

Waqtigaagu Waa Dahab – Sidee Uga Faa’iidaysan Kartaa Maalin Walba?

 

Waqtiga, Horumar shaqsiyadeed, maaraynta waqtiga, qorshe maalinle, guul nololeed, dhiirigelin, wax – soo saar, nafsad dhisid

 

Hordhac

Ma dareentay mararka qaar in maalintaada si fudud ku dhaafto adigoo aan wax muhiim ah qaban? Ma ku fakertay sababta dadka qaar u gaaraan waxyaabo badan 24 sacadood gudaheed, halka qaar Kalena aysan gaarin waxba?

Waqtiga waa hantida ugu qaalisan ee qof walba leeyahay. Waxa uu la mid yahay dahab – laakiin farqiga keliya waa in aan la kaydin Karin. sidaa darted, qofka garaadsan waa midka ka faa’iidaysta waqtigiisa si xikmad leh.

 

Qaybta 1aad: Waa maxay waqtiga qiimihiisu?

Su’aal: Waqtigu muxuu naga rabaa?

Jawaab: Waqtigu muxuu naga rabaa inaan ka faa’iideysano, aan qorsheyno, oo aan wax ku dhisno nafteen iyo nolosheena.

 

Waqtiga waa nolosha laf dhabarkeeda. Daqiiqad kasta oo lumisa, waxay ka mid tahay noloshaada oo aad weysay. Waa sababta ay muhiim u tahay inaad si qoto dheer u qiimeyso saacadahaaga maalin walba.

 

Qaybta 2aad: Sidee u bilaabi kartaa ka faa’iidaysiga waqtigaaga?

Halkan waxaa ku yaal dhowr talo oo wax-ku-ool ah:

1.Samee liis hawleed ( to-do-list)- Subax kasta qor waxyaabaha aad rabto inaad qabato.

2.Kala hormari shaqooyinkaaga- ku bilow kuwa muhiim ka ah.

3.Ka fogow waxyaabaha waqtigaaga cunaya – Sida scrolling badan ee tiktok ama Facebook aan faa’iido lahayn.

4.Ku dar nasashooyin yar yar – si maskaxdaadu u hesho firfircooni.

5.Dib u eeg waxqabadkaaga habeenkii- wixii suurtagal noqday iyo wixi baaqday.

 

Qaybta 3aad: Maxay yihiin sababaha dadka u lumiyaan waqtiga?

 

Su’aal: Maxaa naga dhiga inaan waqtigeena khasarino?

  Jawab: Waxaa sabab u ah:

 

. Qorshe la’aan

. Ka fakarid badan la’aanta

. Raaxeysiga xad-dhaafka ah

. Cabsida guul-daro

. Ku mashquulid wax aan muhiim ahayn

 

Marka aad ogaato sababahaas, waxaad si fudud u hagaajin kartaa noloshaada.

 

Qaybta 4aad: Maxay tahay faa’iidada waqtigaaga si fiican u maareeya?

. Waxaad noqonaysaa qof wax – soo- saar leh

. Waxaad heli doontaa fikir nadiif ah iyo maskax furan

. Waxaad heli kartaa fursado badan oo shaqo ama horumar ah

. waxaad dareemi doontaa deganaan nafsaani ah

. waxaad arki doontaa horumar maalinle ah

 

 

Gunaanad:

Waqtigaagu waa mid mar keliya ku dhaafa. Ma jirto fursad labaad oo aad dib ugu soo celin karto waqtigii lumay. Maanta waa maalinta ugu fican ee aad noloshaada cusub ku bilaabi karo.

 

Ha sugin bari, ha dhihin “Markaan firaaqo helo” – fursada ugu weyn ee aad haysato waa hada.

 

       Su’aal ku socota Akhristaha:

Adiga side ayaad hada u maaraysaa waqtigaaga? Ma jiraa wax aad is leedahay waa inaad si degdeg ah u bedeshaa?

 

Fikirkaaga hoos noogu reeb (Comment ).