“Be The Change You Want to See”

 

 

Noqo Isbedelka Aad Doonayso Inaad Aragto

 

  Isbedelka nolosha, horumarinta nafta, nolol cusub, nolol caafimaad leh, isbedal wanaagsan, dhiirigelin nolosha,

 

In badan oo naga mid ah waxay nolosha ka sugayaan isbedel – waxaan rabnaa nolol fiican, fursado dhaqaale, caafimaad, farxad, iyo degnaansho. Laakiin su’aasha dhabta ahi waa: ma diyaar baa in adigu aad noqoto isbedelkaagaas?

 

Qof walba wuu riyoodaa, balse riyo kastaa waxay u baahan tahay ficil. Marka aad rabto in noloshaada is bedesho, waxa ugu horeeya ee ay tahay inaad fahanto waa: isbedelka dhabta ah adiga ayuu ka bilaabmaa, ma ahan dunida kugu wareegsan.

 

. Maxay Tahay “Noqo Isbedelka Aad Doonayso Inaad Aragto?

Ereyadan waxaa laga soo qaatay mahatma Gandhi waxa uu doonayay in uu dadka fahamsiiyo in aysan ku koobnaan hadal iyo rajo kaliya, balse ay muhiim tahay in qof walba bilaabo ficil uu doonayo inuu ku arko bulshada ama noloshiisa.

 

Tusaale:

    . Hadii aad rabto bulsho isku duuban – adiga ka bilow naxariis iyo cafis.

    . Hadii aad rabto nolol caafimaad leh – adiga ka bilow cunto caafimaad leh iyo jimcsi.

    . Hadii aad rabto inaad noqoto qof guuleysta – adiga ka bilow dadaal joogto ah iyo barasho joogto ah.

 

Isbedelku Waa Geedi Socod

Isbedelka maaha wax habeen qura kugu dhaca. Waa safar maalinle ah oo u baahan Sabir, go’aan adag, iyo kalsoonida naftaada.

 

Waxaa laga yaabaa inaad caajisto, niyad jabto ama aad dareento in natiijo la’aan jirto, laakiin xasuuso: Qof walba oo guuleystay, wuxuu maray marxalado adag.

 

Talooyin Kuu Sahlaya Inaad Noqoto Isbedelka:

1.Naftaada Baro inaad mas’uul ka Tahay Noloshaada

Ha u eegin cid kale: adigu waad awooda inaad noloshaada wax ka bedesho.

2.Ku Bilow Waxyaabo Yar-Yar

Samee wax yar maalinkasta: cunto caafimaad leh, hal bog oo quurana ama boog ah , socod 10 qadiiqo, duco subaxnimo.

3.Ka Fogow Cabsida & Dib u dhaca

Hadii aad sugto waqtiga ku haboon, laga yaabee inuusan marnaba imaan. Bilow hada – si tartiib ah, laakiin joogto ah,

4.Ku Wareeji Naftaada Dad Wanaagsan

Dadku waa saameyn. Ku hareeree naftaada kuwa kugu dhiirigeliya inaad horumar sameyso.

5.Ku xidhnow ILaahay

ISbedelka runta ah wuxuu bilaabmaa marka qalbigaagu xasilo, rumeysanaanta Rabigaaguna xoog leedahay.

 

 

     Gunaanad

Noqo isbedelka aad doonayso inaad aragto. HA sugin qof kale. Adigu bilow. Adigu bedel. Adigu iftiimi. Dunida waxay u baahan tahay qofyo la mid ah adiga – kuwa go’aansada in aysan la qabsan dhibka, balse ay bedelaan.

 

Isbedelka wanaagsan wuxuu ka bilaabmaa adiga!

 

 

#isbedel #nilildican