“ How Can I Control Laziness and Procrastination?”

 

“ How Can I Control Laziness and Procrastination?”

 

Sida Loo Xakameeyo Caajiska iyo Dib u-Dhaca

 

Caajiska iyo dib u-dhaca waa laba caqabadood oo dad badan la kulmaan maalmahan. Waxaa laga yaabaa inaad haysato hawl muhiim ah, Laakiin aad mar walba dib u dhigto.  Marka ay arrintu caadi noqoto, waxay saameyn xun ku yeelan kartaa noloshaada shaqo, waxbarasho, iyo nolol maalmeedkaaga guud.

 

HAdaba, side loo xakameyn karaa caajiska iyo dib u-dhaca? Qormadan waxaan kaga hadli doonaa talooyin waxtar leh oo kaa caawinaya inaad la tacaasho caajiska oo aad horumar la taaban karo samyso.

 

1.Fahamka Sababta Caajiska

Marka hore, waa muhiim inaad fahanto sababta aad u caajiseyso. Mararka qaar waxaa dhici karta in:

. Aad dareemeyso culays badan

. Hawshu kuu muuqato mid aad u weyn

. Aad ka baqeyso guul-daro

. Aad leedahay fikrado taban oo naftaada ka dhan ah

 

Markaad dahanto sababta, waxaad si fiican u heli kartaa xal ku haboon

 

2.Qorshee waqtigaaga

Qorsheynta waqtiga waa furaha ka hortaga dib u-dhaca. Samee liis hawleed oo aad maalin kasta u samaysato. Qor hawlaha muhiimka ah ee maalintaas, kuna bilow kuwa ugu muhiimsan. Waxaad isticmaali kartaa habka pomodoro Technique oo ah inaad 25 daqiiqo shaqeyso kadibna 5 daqiiqo nasato.

 

Maraynta waqitiga, Liis hawleed, shaqo wax ku ool ah.

 

3.Yaree Carqaladaha

Carqaladaha waxay door weyn ku leeyihiin caajiska. Tusaale:

. Mobile-ka

. Baraha bulshada

. Telefishinka

. Saaxiibo aan waqtiga xushmeyn

 

Go’aanso inaad meel iska dhigto waxyaabaha kaa mashquulinaya inta aad shaqada ku jirto.

 

Carqaladaha, baraha bulshada, waqtiga lumay.

 

4.Samee Yoolal Yar Yar

Marka aad hawsha u kala jabiso qaybo yar-yar, waxaa kuu fududaanaysa inaad bilowdo. Hadii aad is dhahdo “Waxaan qori doonaa 1 bog 10 daqiiqo gudahood,” halkii aad is dhihi lahayd “Waxaan qori doona 10 bog manta,” waxaad dareemeysaa in howshu fududahay.

 

Yoolal yaryar, horumar tartiib ah, dhiirigelin.

 

5.Naftaada Abaal Mari

Markaad hawl dhamayso, naftaada ku abaal mari si aad u dhiirato. Abaalmarintu waxay noqon kartaa:

. Nasasho yar

. Cabitaan aad jeceshahay

. Socod kooban

. Dabaaldeg yar oo niyad dhis ah

 

Dhiirigelin, abaal marin, niyad wanaag.

6.La Soco Horumarkaaga

Qor horumarka aad samyneyso maalin kasta. TUsaale ahaan, qalin ku calaamadee liiska hawlaha marka aad dhameyso. Waxaad arki doontaa inaad si tartiib tartiib ah uga adkaaneyso caajiska.

 

La socodka horumarka, horumar joogto ah.

 

7.Ka Fikir Cawaaqibka Dib-u-Dhaca

Marka aad dib u dhigto hawsha, maskaxdaada ku sawir caawaaqibka xun ee ka dhalan kara:

. Shaqo kugu ururta

. Walwal

. Fursado kaa luma

. Guul la’aanta

 

Markaad aragto khasaaraha, waxaa kuu fududaanaya inaad dhaqso bilowdo.

 

Cawaaqibka dib u dhaca, fursadaha lumaya, guusha.

 

8.Samee Nidaam Maalinle ah

Sameynta jadwal maalinle ah oo joogto ah waxay kaa caawinaysaa inaad naftaada baro nidaam.

 

       Tusaale:

. 5:00 subaxnimo: Toosid iyo cibaado

. 7:00: Quraac fudud iyo jimicsi

. 8:00: Shaqo

.12:00: Qado iyo nasasho

. 1:00: Shaqo kale

. 6:00: Nasaasho iyo qoys

 

Jadwal maalinle ah, nidaam joogto ah, jimicsi.

 

 

Gunaanad

Caajiska iyo dib-u-dhaca waxaa lagaga adkaan karaa adiga oo qaadaya tallaabooyin fudud laakiin joogto ah. Marka aad bilowdo inaad qorsheyso waqtigaaga, aad yareyso carqaladaha, aad sameyso yoolal yar-yar, waxaad si tartiib tartiib ah u arki doontaa isbedel weyn oo noloshaada ka dhacaya.

 

Hadii aad manta bilowdo, beri waxaad dareemi doontaa horumar. Ha sugin beri, manta bilow!

 

Xakameynta caajiska, waxbarashada nafta, guusha, qorsheynta waqtiga, horumar shaqo.